Здружението "Движење за
одржлив социоекономски развој Досер Глобал" е невладина, независна и
непрофитна организација формирана во
2005 година по иницијатива на искусни членови кои предходно биле активни во
граѓанските здруженија и невработени
интелектуалци кои се здружуваат за
остварување на зацртаните цели на
организацијата.
Од самото име на
здружението можат да се забележат и нашите цели: Потикнување кон социоекономски
развој на државата насочен кон Европската интеграција и демократски развој на земјата во сите
полиња и во склад со глобалните промени и случувања во светот.За реализација на
нашите цели ние преземаме ненасилни методи на акција со директно учество на
граганите и јакнење на капацитетот на
НВО сектор во регионот. Тоа го правиме преку изведба на:
- проекти, директни акции, кампањи
- одржување на јавни трибини, семинари, тркалезни маси
- лобирање, организирање на походи, хуманитарни акции, работни акции на волонтерска основа
- промовирање и печатење на едукативни и информативни материјали
- соработка со други невладини организации, бизнис асоцијации и локалната самоуправа.
Здружението Досер
Глобал има членови од различни профили со познавања во области од интерес на нашата организација како што се развој на руралниот
туризам во подпелистерскиот регион и вмрежување на домакинствта кои сакаат да
развиваат ваков туризам .Од овие причини дел од нашите активности се фокусирани
на промоција и развој на одржлив алтернативен туризам во регионот и изградба на инфраструктура за привлекување на
туристи (изградба на патеки,рекреативни
места за одмор,чешми,заштита и обнова на природните извори и биодиверзитетот
итн.)